အထက (၄) ဖိုရမ်

တစ်ညတစ်ည အိပ်ခန်းလေးထဲတွင်သာ internet သုံးရင်း နာရီလက်တံများ အလီလီ ရွေ့လျားနေရသောဘ၀ကို ငြီးငွေ့မိ၍ အညောင်းပြေ လမ်းလျှောက်ရန် အပြင်သို့ထွက်လာမိသည်။
သို့နှင့် အိမ်ရှေ့သို့အရောက်တွင် အနီးနားရှိ ဘောလုံးကွင်းသို့ မထင်မှတ်ပဲ အကြည့်ရောက်သွားမိသည်။ စိမ်းစိုကျယ်ပြန့်သော မြက်ခင်းပြင်ကျယ်သည် အတန်ငယ် ညစ်ညူးနေသောစိတ်ကို ပြန်လည်ကြည်လင် လန်းဆန်းစေ၏။ ထိုမြက်ခင်းပေါ်တွင်သာ လှဲအိပ်လိုက်ရရင် ဆိုသောအတွေး၏အဆုံးတွင် ထိုအတိုင်း ပြုလုပ်မိလျက်သား ဖြစ်နေတော့သည် ။ ပထမဆုံး မြင်လိုက်ရသောမြင်ကွင်းမှာ နက်မှောင်သော ညကောင်းကင်နှင့် ထိန်ထိန်သာနေသောလမင်းကြီးပင်ဖြစ်သည်။ ထိုအခါမှသာ မနက်ဖြန်သည်သီတင်းကျွတ်လပြည့်ပါလား ဟူသောအတွေးသည်လည်း
ခေါင်းထဲသို့ ရုတ်တရက်ဝင်ရောက်လာခဲ့တော့သည်။ ထို့ကြောင့်လည်းဘေးဘီတစ်ဝိုက်ကို စူးစမ်းလိုစွာ ကြည့်မိသည်။ ၂၄ နာရီပတ်လုံး လျှပ်စစ်မီးများဖြင့်ထိန်လင်းနေသော
စင်ကာပူမြို့တော်ကြီး၏ ညရှုခင်းသည် သဘာဝအလှတရားမှ သွေဖီကာ အကျည်းတန်နေပေသည်။ ယခုအခါမှ ကျွန်တော်တို့အရမ်းကို လာချင်ခဲ့သောစင်ကာပူမြို့တော်ကြီးသည်မြန်မာနိုင်ငံနှင့်နှိုင်းယှဉ်
ကြည့်သောအခါတွင်များစွာကွာခြားနေကြောင်း သဘောပေါက်မိတော့သည်။ လမ်းပေါ်တွင် မီးရှူးမီးပန်းများနဲ့ ပြေးလွားဆော့ကစားနေသောကလေးများ၊ ရောင်စုံ မီးပုံးလေးများနှင့်လှပနေသော အိမ်ကလေးများ
နှင့် အလှတရားများ ပေါင်းစုံရာ တောင်ကြီးမြို့၏ညရှုခင်းကိုသာပြန်လည်တမ်းတမိသည်။ ယခုအချိန်ဆိုလျှင်သူငယ်ချင်းများ မီးပုံးပျံကိစ္စနှင့်အလုပ်ရှုပ်နေမည် ဟူသောအတွေးကလည်း
ပြန်ချင်စိတ်ကိုပိုမိုနှိုးဆွပေးနေသည်။ သီတင်းကျွတ်ချိန်ခါတွင် မိသားစုစုံစုံလင်လင်နှင့် ဘုန်းကြီးကျောင်းသွားကာ သီလယူခဲ့သည်များကိုလည်း ပြန်လည်အမှတ်ရမိသည်။ ထို့ကြောင့်လည်း အမိမြန်မာပြည်သို့ အပြေးပြန်ချင်
စိတ်မှာ တားဆီးမရအောင် တဖွားဖွားပေါ်နေမိတော့မိသည်။သို့သော်လည်း ဘ၀တိုးတက်ရေးအတွက် ပျော်ရာမှာမနေ တော်ရာမှာနေရပေဦးမည် ဟူသောအသိစိတ်ဖြင့်သာထိန်းချုပ်ထားရသည်။
ဤမျှအတွေးလွန်နေ၍လည်းမဖြစ်။ မနက်ဖြန်တွင် NPMM Cultural Show အတွက် တာဝန်ဝတ္တရားများ သွားရောက်ထမ်းဆောင်ရပေဦးမည်။ နောက်ကျ၍မဖြစ်သည့်အတွက် စောစီးစွာ အနားယူရန်လိုအပ်သည်ဟူသော အသိစိတ်ကြောင့် နယ်လွန်နေသော အတွေးစကို အသာအယာဖြတ်ပြီးသကာလ အိပ်ယာသို့ဝင်ခဲ့လေတော့သည်။

မူရင်းရေသူ http://behs4edutaunggyi.ning.com ရဲ့ အက်မင်တယောက် (သန့်စင်ဦး)